Alpha aye ngo?
Alpha obedo kacokke me pwony makwedo kor niye ikom Kricito. Dul man neno peny ma patpat ikom niye dok kinyubu gi wek dano onywak iye tam gi. Alpha kipwonyo iwilobo olu dok kijolo iye dano weng. Inongo onlain, i Kamato Cai Mwanyi ma patpat, i Kanica, Unibaciti Kwan, i gangi – kamo keken! Pe tye Alpha mo marwatte ki lawote, ento jami adek time i gin weng: Gwok mupore, pwony ki lok ma cego cego ki boko lok.
Dong Kacokke pwony Alpha time nining?
Note
Kono onyo gwok wurwatte wang wang i dog dek mamit onyo ki i yamo cim cing ki cayi makur icingwu, kacokke Alpha weng cake ki cawa me kube ki note ikin dano, yweyo wic ki mako larem manyen. Camo dek kacelo miyo kare ki dano me kubbe ikin gi ki nywako kwo gi matut.
Neno Pwony
Pwony Alpha weng kiyubo gi magudo cwiny dano weng dok me nywako tam ikin gi bene. Gikwedo kor lok madongo me kwo iwilobo ni ka giyaro maber tyen lok me yer ki lubo kor dini pa Kricito, gamo peny calo “Yecu aye anga?” ki “Lubanga mono telo wa ka nyuti wa yo nining?”
Nywako Tam
Cawa me nywako tam miyo kare maber ki dano me gamo pwony ma guwinyo, winyo tam pa luwot gi ki yaro tam gi bene kamaleng labongo goba ki lworo, ikit pa lurem kikome dok idye dano labongo mung mo.
Atwero Cako ne nining?
Jami weng ma imito me cako ki doro yub me Alpha tye nonge me nono i Olain. Ngat mo keken twero kwanyo gi wek ngat mo keken okony timo tic me loko kwo
MyAlpha aye kakato iye ki yub me pwony Alpha ni; tye ki jami ducu ocake ki jami me pwonyo lutela ki jami tic mukene mapol ata, wa bwidewo me dul pat pat bene.
Yub Dul Apha ni
Co dul Alpha ni botwa wek inyut kit ma pwonye bibedo kwede botwu, Nino Alpha ki Cawa me pwony Alpha wu. Timo meno mini kare me lwongo lutela me dulli i MyAlpha kama wubinongo iye jami cato pi kacokke wu ki tic mukene ni weng. Tim ber oyar lok kom Alpha wu wek dano mapol guniang iye dok gunong.
Pwony Lutela Dulli
Nong bwidewo matwero konyo pwonyo lutela ni i centa me pwonye wa wek in ki lutela ni odor yub me Alpha maber atika. Pwony magi ducu kiguru gi i dul ma patpat wek onyutiwu jami mapore mada me atima i kare me doro yub Alpha wu i kare mo keken, kadi wa bot Bulu ma ite Ekilijiya Katolika Maleng, wek yubwu weng owot mapwot.
Cat pi Alpha Wu
Nong bwidewo cato pire weng, gin ma omyero wulub ite pot buk makilwongo ni (Cat Pirre) ‘Promote’ wek i cat pi pwony Alpha wu i Kanica wu, ikin gang wu ki i Cocol Midiya wu. Wii pe owil me lego jo ducu ma olego kwed gi me lwongo lurem gi wek gubin bene iye.
Yube pi Dul Mukwongo
Me yube pi Alpha wu, wutwero nongo ka okwanyo bwidewo ki karatac me pwony, ki kit ma lutela wu onyo welle wu twero doro kwede nywako tam ki i pot buk Kompita makilwongo ni “What’s Next’ (Gin malubu kor man), onyo jami me dul ma patpat ‘Series Materials’. Pwonye ni otum maber, dong itye atera me doro Yub me Alpha ni.
Jiri tye me nono – kit meno bene Alpha
